ଆମ ବିଷୟରେ

ମୁଖ୍ୟ ନିର୍ବାଚନ ଅଧିକାରୀଙ୍କ ଡେସ୍କରୁ

ନିର୍ବାଚନ ହେଉଛି ଗଣତନ୍ତ୍ରର ମୂଳଦୁଆ l ମତଦାନ କେବଳ ଏକ ପ୍ରକ୍ରିୟା ନୁହେଁ ବରଂ ଆମ ଗଣତାନ୍ତ୍ରିକ ଅଧିକାର ଓ ଦାୟିତ୍ୱର ଏକ ଶକ୍ତିଶାଳୀ ଅଭିବ୍ୟକ୍ତି। ମତଦାନ ଏକ ମୌଳିକ କର୍ତ୍ତବ୍ୟ ଯାହା ଆମ ସମାଜରେ ସ୍ୱାଧୀନତା, ନ୍ୟାୟ ଏବଂ ସମାନତାର ମୂଲ୍ୟବୋଧକୁ ସୁନିଶ୍ଚିତ କରିଥାଏ। ଓଡିଶାର ମୁଖ୍ୟ ନିର୍ବାଚନ ଅଧିକାରୀ ଭାବେ ମୁଁ ପ୍ରତ୍ୟେକ ଯୋଗ୍ୟ ନାଗରିକ ବିଶେଷ କରି ଯୁବବର୍ଗଙ୍କୁ ଅନୁରୋଧ କରୁଛି ଯେ ସେମାନେ ନିଜ ଭୋଟ ର ଅପାର ଶକ୍ତିକୁ ଚିହ୍ନନ୍ତୁ। ଯୁବପିଢ଼ି ଆମ ରାଜ୍ୟ ଓ ଦେଶର ଭବିଷ୍ୟତ । ଭୋଟର ଭାବେ ନାମ ଲେଖାଇବା ଦ୍ୱାରା ଆପଣ କେବଳ ନିଜର ଅଧିକାରର ବ୍ୟବହାର କରୁନାହାନ୍ତି ବରଂ ଗଣତାନ୍ତ୍ରିକ ପ୍ରକ୍ରିୟାରେ ମଧ୍ୟ ଯୋଗଦାନ କରୁଛନ୍ତି। ପ୍ରତ୍ୟେକ ଯୋଗ୍ୟ ବ୍ୟକ୍ତି ଯେପରି ଭୋଟର ଭାବେ ପଞ୍ଜିକୃତ ହୁଅନ୍ତି ଏବଂ ସେମାନଙ୍କର ଭୋଟର ହେବାର ତାତ୍ପର୍ୟ୍ୟ ବିଷୟରେ ଅବଗତ ହୁଅନ୍ତି ସେଥିପାଇଁ ବ୍ୟବସ୍ଥିତ ଭୋଟର ଶିକ୍ଷା ଓ ନିର୍ବାଚନ ଅଂଶଗ୍ରହଣ (ଏସଭିଇଇପି) କାର୍ଯ୍ୟକ୍ରମ ମାଧ୍ୟମରେ ବ୍ୟାପକ ସଚେତନତା କରାଯାଉଛି l ମୁଁ ସମସ୍ତ ଯୁବବର୍ଗ ତଥା ନାଗରିକଙ୍କୁ ଏହି ଗଣତାନ୍ତ୍ରିକ ପ୍ରକ୍ରିୟାରେ ସକ୍ରିୟ ଅଂଶଗ୍ରହଣ କରିବାକୁ ପ୍ରୋତ୍ସାହିତ କରୁଛି।

ଆସନ୍ତୁ ସମସ୍ତେ ମିଳିମିଶି ଆମ ଗଣତନ୍ତ୍ରକୁ ସୁଦୃଢ଼ କରିବା, ପ୍ରତ୍ୟେକଟି ଭୋଟ ମୂଲ୍ୟବାନ l